MyClinic — xususiy klinikalar uchun bulutli boshqaruv tizimi
Ustma-ust yozilgan bemorlar, qog'oz kartalar va kun oxirida qo'lda sanaladigan kassa — xususiy klinikaning kundalik muammolari. MyClinic ularni bitta bulutli tizimda hal qiladi: jadval, bemor kartasi, kassa va eslatmalar o'rnatishsiz, istalgan qurilmadan ishlaydi.
Kimlar uchun
MyClinic xususiy klinikalar, stomatologiya va diagnostika markazlari, bolalar rivojlanish markazlari hamda alohida qabul qiladigan shifokorlar uchun mo'ljallangan. Tizimda terapevt, logoped, nevropatolog kabi turli mutaxassisliklar bilan ishlash mumkin. Bitta shifokor bepul tarifda boshlaydi, bir nechta filialli klinika esa barcha shifokorlar, kassa va hisobotlarni bitta hisobda yuritadi. Brauzerda ishlagani uchun administrator qabulxonadagi kompyuterdan, shifokor esa planshet yoki telefondan foydalanadi.
Vazifa
Ko'pchilik xususiy klinikalarda qabul jadvali daftarda yoki Excel jadvalida yuritiladi. Bir vaqtga ikki bemor yozilib qoladi, administrator esa qabulni eslatish uchun har bir bemorga qo'ng'iroq qiladi.
Bemor tarixi qog'oz kartada saqlanadi: shifokor oldingi tashrif xulosasini qidirib vaqt yo'qotadi, takroriy qabulda esa kerakli ma'lumot qo'l ostida bo'lmaydi.
Kassa alohida hisoblanadi, shuning uchun rahbar kunlik tushumni, shifokorlar yuklamasini va qaysi xizmatlar daromad keltirayotganini faqat kun oxirida, raqamlarni qo'lda yig'ib biladi. Bu muammolar kichik kabinetda ham, bir nechta filialli klinikada ham bir xil.
Asosiy muammoni nima hal qiladi
Tizim yadrosi — onlayn kalendar va bemor bilan aloqa: kalendar bir vaqtga ikki yozuvga yo'l qo'ymaydi, bemorga esa email va Telegram orqali eslatma boradi va u kelishini bitta tugma bilan tasdiqlaydi. Kalendarga bemorning elektron kartasi va kassa ulangan, shuning uchun qabulga yozishda kiritilgan ma'lumot ko'rik, to'lov va hisobotgacha qayta yozilmaydi.
Nima qildik
Onlayn jadval
Kun va hafta ko'rinishidagi kalendar, shifokorlar va mutaxassisliklar bo'yicha filtr, qabulni sudrab boshqa vaqtga ko'chirish. Tizim bir vaqtga ikki marta yozishning oldini oladi, qabul holatlari ranglar bilan ajratiladi.
Bemorning elektron kartasi
Kontaktlar, tashriflar tarixi, ko'riklar, mutaxassis xulosalari va to'lov holati bitta kartada. Har bir yozuvda muallif va sana ko'rinadi, takroriy qabul bir bosishda ochiladi.
Moliya va tahlil
Kunlik va oylik tushum, xizmatlar hamda to'lov usullari (naqd, karta, onlayn) bo'yicha grafiklar, shifokorlar kesimidagi hisobotlar. Rahbar raqamlarni qo'lda hisoblamaydi.
Avtomatik eslatmalar
Bemorga qabul arafasida, vaqt o'zgarganda yoki qabul bekor qilinganda email va Telegram orqali xabar boradi. Telegram xabarida qabulni tasdiqlash tugmasi bor.
Rollar va filiallar
Shifokor, administrator va kassir uchun alohida huquqlar. Bir hisob ichida bir nechta klinika yoki filialni yuritish mumkin.
Qanday ishlaydi
- 01
Administrator kalendarda bo'sh vaqtni topib, bemorni kerakli shifokorga yozadi.
- 02
Bemorga avtomatik eslatma boradi, u Telegram'dagi tugma orqali kelishini tasdiqlaydi.
- 03
Shifokor qabulda bemor kartasini ochadi, ko'rik natijasi va xulosani yozadi.
- 04
Kassir to'lovni qayd etadi — summa darhol moliyaviy hisobotga tushadi.
- 05
Rahbar tushum, shifokorlar yuklamasi va xizmatlar bo'yicha tahlilni real vaqtda ko'radi.
Natija
Klinika jadval, bemorlar bazasi va kassani bitta tizimga ko'chiradi: ma'lumot bir marta kiritiladi va shifokor, administrator hamda kassirga bir xil ko'rinadi. Ustma-ust yozuvlar bo'lmaydi, eslatmalar esa administratorni har bir bemorga qo'ng'iroq qilish zaruratidan qutqaradi.
Shifokor qabulda bemorning butun tarixini bitta kartada ko'radi, rahbar esa tushum, shifokorlar yuklamasi va xizmatlar bo'yicha tahlilni qo'lda hisoblamasdan, real vaqtda oladi.
MyClinic bugun mustaqil SaaS mahsulot sifatida ishlaydi: bitta shifokor bepul tarifdan boshlaydi, klinika esa o'sgan sari yangi shifokorlar, rollar va filiallarni shu hisobga qo'shadi.